Linia de Kármán

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A linia de Kármán ye l'altaria definida internacionalment que se gosa utilizar pa definir o limite entre l'atmosfera y l'espacio exterior. D'alcuerdo con as definicions d'a FAI (Fédération Aeronautica Internationale) ista linia se sitúa a 100 km d'altaria sobre a superficie terrestre (tecnicament 100 km sobre o livel d'a mar).[1] Manimenos, atras organizacions no utilizan ista definición. Por eixemplo, a Fuerza Aeria de Estaus Unius y a NASA definen o limite en 50 millas (80 km) sobre o livel d'a mar.[2]

A linia de Kármán prene o suyo nombre en a honor d'o cientifico hongaro Theodore von Kármán qui estió a primera persona en calcular l'altitut a la cual l'atmosfera se torna masiau delgada pa suportar un vuelo aeronautico.

Arredol d'ista altura l'atmosfera terrestre se torna tan fina que ye despreciable en termins aeronauticos, producindo-se amás, un incremento significativo d'a temperatura atmosferica y d'a interacción con a radiación solar.

O misil alemán A4 (u tamién V2) emplegau en a Segunda Guerra Mundial estió o primer obchecto feito por l'humanidat en trespasar a linia de Kármán.

Referencias

  1. ↑ (en) 100km Altitude Boundary for Astronautics en a pachina web d'a FAI
  2. ↑ (en) Outer space may have just gotten a bit closer en Sciencemag.org