|
Las que tienen que servir (cinta)
Las que tienen que servir (títol orichinal en castellano, en aragonés As que han de servir, enguerada en Aragón con o suyo títol orichinal) ye una cinta de cine espanyol de l'anyo 1967 de cine de comedia dirichida por José María Forqué seguntes un guión adaptau por José Luis Dibildos y Alfonso Paso (basau en Las que tienen que servir, una obra teatral d'iste zaguero publicada en 1962), con una dirección de fotografía de Cecilio Paniagua, una banda sonora orichinal d'Antón García Abril y una producción cinematografica de José Luis Dibildos ta la productora cinematografica Ágata Films S.A.. De l'elenco d'a cinta fan parte, entre d'atros, os actors Concha Velasco, Amparo Soler Leal, Alfredo Landa, Manolo Gómez Bur, Laura Valenzuela, José Sazatornil, Margot Cottens, Lina Morgan, Florinda Chico, Álvaro de Luna, William Layton y José María Tasso. Juana Cortés y Francisca Pizarro treballan en un chalet en Torrejón de Ardoz ta una familia estausunidense como sirvientas, en una vivienda que se troba equipada con os mas sofisticaus equipes y no se relacionan so que l'una con su novio y l'atra con un vendedor de uegos y todas dos con atras sirvientas d'a redolada. O matrimonio, d'atra man, se relaciona nomás que con militars de l'exercito estausunidense desplegaus en a base aeria de Torrejón de Ardoz, entre los cuals destaca una muller, la tenient Sheila Gresham y lo suyo mariu, o doctor Peter Puig, un catalán. Bien luego plegan os problemas, cuan dos estausunidenses d'a base pretenden dar cantarias a las dos mesachas. A cinta s'ambienta en Torrejón de Ardoz en a suya epoca actual (1967) y las escenas de Las que tienen que servir se filmoron en ixa mesma localidat y en Madrit.[2] Elenco[3]
Se veiga tamiénReferenciasVinclos externos
|
||||||||||||||||||||||||||||||||||||||||||||||||||||||||||||||||
