Ladies of Leisure (títol orichinal en anglés Damas d'ocio, enguerada en Aragón con o títol en castellano de Mujeres ligeras, en aragonés Mullers lucheras) ye una cinta de cine estausunidense de drama romantico enguerada l'anyo 1930, dirichida por Frank Capra seguntes un guión adaptau por Jo Swerling (basau en Ladies of the Evening, una obra teatral de 1924 de Milton Herbert Gropper), con una banda sonora orichinal de Mischa Bakaleinikoff, una dirección de fotografía de Joseph Walker y una producción cinematografica de Frank Capra y Harry Cohn ta la productora cinematografica Columbia Pictures. Conta con un elenco d'o cual en fan parte, entre d'atros actors, Barbara Stanwyck, Ralph Graves, Lowell Sherman, Marie Prevost, George Fawcett, Nance O'Neil, Juliette Compton y Johnnie Walker.
Jerry Strong ye fillo d'un cabalero propietario de ferrocarrils, pero el quiere estar pintor. Encara que ye prometiu dende fa tiempos a una mesacha de 'alta sociedat, bel día conoix a Kay Arnold, una mesacha que ye fuyindo d'una fiesta y qye vive nomás que ta acudir a fiestas de l'alta saociedat en busca d'un posible mariu rico. Jerry decide contractar-la ta que sía la suya modelo para un cuadro y poquet a poquet s'enamoran l'un de l'atro, encara que la familia de Jerry ye radicalment en contra.
A cinta s'ambienta en a suya epoca actual (1930) en a ciudat de Nueva York y las suyas escenas se filmoron en exteriors de California en o laco Malibu, amás d'en os Columbia/Sunset Gower Studios en Los Angeles.[2]
Se veiga tamién
Referencias
Vinclos externos
