|
Kretzoiarctos
Kretzoiarctos (ABELLA, MONTOYA & MORALES, 2012) ye un chenero de mamiferos carnivoros en a familia Ursidae y subfamilia Ailuropodinae.[1] Ye un onso primitivo que habitó en Europa en o Mioceno Meyo, fa entre 12 y 11 millons d'anyos, y se creye que fa parte d'o linache evolutivo de l'onso panda (Ailuropoda melanoleuca),[1] por o que podría estar un antipasau d'este animal.[2][3] O chenero nomás tiene una especie conoixida; Kretzoiarctos beatrix, con fósils que s'ha trobau en Nombrevilla (Zaragoza)[1] y en a provincia de Barcelona. Se describió en 2012 chusto dimpués de que se describise la suya especie tipo. Por lo antigas y por a suya procedencia cheografica, os investigadors concluyoron que as restas de K. beatrix no podeban corresponder con os cheneros antigos Agriarctos ni Ailurarctos, que namás se troba en Asia y son posteriors (8-7 Millons d'anyos).[1] O nombre especifico Kretzoiarctos se forma d'a parola griega ἄρκτος (arctos), «onso», y l'apelliu de Miklós Kretzoi, paleontologo hongaro que describió Agriarctos, o chenero aon que enantes se meteba estas restas. O nombre s'interpreta como «onso de Kretzoi». Referencias
Vinclos externos
|
||||||||||||||||||||||||||||||||||||
