|
Königssee
O Königssee (en bavaro Kenigssää, literalment o laco d'o Rei) ye laco alemán d'orichen glaciar situau en o Parque Nacional de Berchtesgaden, en l'extremo sud-este d'o estau de Bavera. Se troba aintro d'o termín municipal de Schönau am Königssee, en o districto de Berchtesgadener Land en l'Alta Bavera, amán d'a muga con Austria. A suya superficie ye de bels 5,218 km², tien una longaria de 6,30 km, 1,05 km d'amplaria maxima y una fondura maxima de 190 m, estando o laco mas fundo d'Alemanya. Difueras d'o suyo canto sud, a on bi ha a población de Schönau am Königsee y por a on sale o suyo emisario, o río Königsseer Ache, ye rodiau por escarposas montanyas alpinas, incluyindo-ie o Watzmann. O laco ye conoixiu por a pureza y a transparencia d'as suyas auguas, s'anuncia como o laco mas limpio d'Alemanya. Por ista razón, dende 1909, nomás lo pueden trescruzar embarcacions con motor electrico u a pedals. O laco y a suya redolada son un important atractivo turistico.[1] Referencias
|
||||||||||||||||||||||||||||||||||||||||||||||||
