an Juan de Landa (actor)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre un actor basco; ta atros usos, se veiga Juan de Landa.

Juan de Landa
Juan de Landa y Asunción Casal en una escena d'a cinta Al margen de la ley (1935).
Información personal
Nombre real	Juan Crisóstomo Pisón Pagoaga y Landa^[1]
Calendata naiximiento:	27 de chunio de 1894
Puesto naiximiento:	Mutriku (Guipuzcua, País Basco)
Calendata muerte:	18 de febrero de 1968
Puesto muerte:	Mutriku (Guipuzcua, País Basco)
Enterreco	Cementerio de l'Almudena (Madrit, Comunidat de Madrit)
Ocupación:	Actor

Juan de Landa (nombre artistico de Juan Crisóstomo Pisón Pagoaga y Landa),^[1] naixiu de Mutriku (Guipuzcua, País Basco) o 27 de chunio de 1894 y muerto en ixa mesma localidat o 18 de febrero de 1968, estió un actor basco, activo en o teatro y en o cine espanyol dende primerías d'os anyos 1920 dica la suya muerte.

Trasladau dende muit choven enta Madrit, partecipó en obras teatrals en ixa capital, fendo los suyos primers treballos en o mundo d'o cine en primerías d'os anyos 1930, ta iniciar dimpués una carrera actoral en o cine estausunidense con a-saber-lo d'exito, treballando en versions en castellano de cintas estausunidenses. Tornó en Espanya poco dimpués, treballando como actor de voz en as primeras cintas sonoras doladas, ta tornar en o mundo d'o teatro mientres a Guerra Civil Espanyola, dica que se tresladó enta lo reino d'Italia ta treballar en coproduccions con o cine italiano por as buenas relacions que teneba lo rechimen franquista con o rechimen faixista de Benito Mussolini, tornando de nuevo en Espanya en 1944, a on continó la suya carrera como actor en papels segundarios.