|
Joy Division (cinta de 2006)
Joy Division (títol orichinal en anglés, en aragonés División de l'alegría, enguerada en Aragón con o títol de Joy Division: escuadrón letal) ye una cinta de cine de drama d'espionache y cine belico de l'anyo 2006 coproducida por o cine britanico, lo cine alemán y lo cine hongaro dirichida por Reg Traviss seguntes un guión orichinal de Reg Traviss y Rosemary Mason, con una banda sonora orichinal de George Kallis, una dirección de fotografía de Bryan Loftus, y una producción cinematografica de Kim Leggatt ta las productoras Kingsway Films, Dreamtool Entertainment y Hungarian Film Connection. L'elenco d'actors principals d'a cinta en forman, entre d'atros, Tom Schilling, Ed Stoppard, Bernadette Heerwagen, Bernard Hill, Ricci Harnett, Michelle Gayle, Ram John Holder, Sybille Gebhardt y Marlon Kittel. En 1966 Thomas se troba en Mexico, y remera que ye un espía sovietico detinau en Londres en 1962 mientres a Guerra Fría. O suyo contacto en Londres, Dennis, vive de fa tiempos en o Reino Uniu y ya ye conoixiu por o MI6 britanico, que decide detener-lo, en considerar que ye amán d'organizar un golpe d'estau en o Reino Uniu en colaboración con grupos d'ezquierda politica locals. O KGB ordena a Thomas que asasine a Dennis, a qui ya consideran como poco fiable. D'atra man, Thomas remera que en 1944 yera un mesache en Silesia mientres o Tercer Reich, y poquet a poquet la cinta explica la suya historia: su pai morió en combate mientres a guerra y su mai y su chirmana morioron en bombardeyos aerios; cuan l'Exercito Royo sovietico invadió Silesia maltractando a la población civil alemanya, su novia fue violada y asasinada y a él lo reculló una comisaria politica sovietica que lo ninvió a la Escuela Militr Suvorov. Tornando a 1962, Thomas veye cómo por una manipulación d'os britanicos, os sovieticos lo consideran un desertor y preban d'asasinar-lo, asinas que en realidat se veye obligau a desertar y disaparixer. A cinta s'ambienta en 1944 y 1945 en l'antiga provincia de Silesia en o Tercer Reich, actualment en Polonia, en Londres en 1962 y en Mexico en 1966 y las suyas escenas se filmoron en Anglaterra y en Hongría.[2] Elenco[3]
Se veiga tamiénReferencias
Vinclos externos
|
||||||||||||||||||||||||||||||||||||||||||||||||||||||||||||||||
.svg){kind=small}
