|
Il buono, il brutto, il cattivo
Il buono, il brutto, il cattivo (títol orichinal en italiano, en aragonés O bueno, lo malo y lo charoso, enguerada en Aragón con o suyo títol traduciu enta lo castellano como El beuno, el feo y el malo) ye una cinta de l'anyo 1966 de cine de western (concretament d'o subchenero d'o "spaghetti western") coproducida por o cine italiano, lo cine espanyol y lo cine alemán seguntes un guión adaptau por Agenore Incrocci, Furio Scarpelli, Luciano Vincenzoni y Sergio Leone (basau en una historia d'istos dos zaguers), con una banda sonora orichinal d'Ennio Morricone, una dirección de fotografía de Tonino Delli Colli y una producción cinematografica d'Alberto Grimaldi ta las productoras Produzioni Europee Associate, United Artists y Arturo González Producciones Cinematográficas. De l'elenco d'a cinta fan parte, entre d'atros, os actors Clint Eastwood, Lee Van Cleef, Eli Wallach, Aldo Giuffrè, Antonio Casas, Rada Rassimov, Aldo Sambrel, Enzo Petito, Luigi Pistilli, Livio Lorenzon, Al Mulloch, Sergio Mendizábal, Antonio Molino Rojo, Lorenzo Robledo y Mario Brega.
A cinta fa parte d'a clamada "trilochía d'o dólar", chunto con Per un pugno di dollari (1964, con Marianne Koch, Gian Maria Volontè y Wolfgang Lukschy y Per qualche dollaro in più (1965, con Lee van Cleef, Gian Maria Volontè, Mara Krupp y Klaus Kinski). En Il buono, il brutto, il cattivo se nos conta cómo en o sud-ueste d'Estaus Unius mientres a Guerra Civil d'os Estaus Unius tres personaches que viven fuera d'a ley en cometendo chicoz delitos tienen conoixencia d'a existencia d'un trasoro en forma d'oro robau por un malfeitor muerto, pero amás un nomás conoix que la existencia d'o trasoro, lo segundo nomás conoix que ye amagau en un cementerio y lo tercero nomás sabe que lo nombre que amanixe en o fosal a on ye enterrau.
A cinta s'ambienta en 1862 mientres a Guerra Civil d'os Estaus Unius en Nuevo Mexico y las suyas escenas se filmoron en Burgos, Carazo, Covarrubias, Hortigüela (en o monesterio de Sant Per d'Arlanza) y Santo Domingo de Silos (Burgos, Castiella y Leyón), o cabo de Gata en Almería, Níjar (incluyiu Rodalquilar) y Tabernas (Almería, Andalucía), Colmenar Viejo y Manzanares el Real (Comunidat de Madrit), La Calahorra (Granada, Andalucía), en Espanya, y en Roma (Lazio, Italia), amás d'en o estau de Durango en Mexico.[2] Antiparte, ye una cinta con bels premios y nominacions, encara que garra d'istos premios fa parte d'os premios mas conoixius u destacaus.
Se veiga tamién
Referencias
Vinclos externos
 Se veigan as imáchens de Commons sobre Il buono, il brutto, il cattivo.- (en) Il buono, il brutto, il cattivo en Internet Movie Database.
- (es) Il buono, il brutto, il cattivo en FilmAffinity.
- (fr) Il buono, il brutto, il cattivo en Allociné.
- (en) Il buono, il brutto, il cattivo en Rotten Tomatoes.
- (en) Il buono, il brutto, il cattivo en Letterboxd.
- (en) Il buono, il brutto, il cattivo en Box Office Mojo.
- (en) Il buono, il brutto, il cattivo en AllMovie.
- (en) Il buono, il brutto, il cattivo en TCM Movie Database.
- (en) Il buono, il brutto, il cattivo en Metacritic.
- (en) Il buono, il brutto, il cattivo en l'American Film Institute Catalog de l'American Film Institute.
|
