|
Idioma lepontico
O celtoligur u lepontico (huei muerto) ye una luenga celta arcaizant pero con elementos comuns con l'idioma galo, que por tanto fa parte d'a branca continental d'as luengas celtas. Se charraba en territorios entre las actuals Francia, Suiza y Italia on los antigos ligurs se celtizaban por a influencia d'os galos. Ha deixato mes restas epigraficas en o territorio d'os antigos Lepontii d'a Galia Cisalpina (por ixo lo gosan clamar lepontico) y se i charro entre o 700 aC y o 400 aC. Existe un problema terminolochico (lo claman a vegatas galo cisalpín) que fa que se pueda confundir leyendo con a luenga d'os galos cisalpins, portato por pueblos galos de cultura La Tene que plegoron dende o sieglo IV aC: insubres, senons, boyos, ecetra... Teneba en común con o galo y con atros idiomas indoeuropeus d'Europa Central que o fonema indoeuropeu Kw cambeyaba ta p. N'esto se diferenciaba d'as luengas celtas perifericas como o gaelico u o celtibero.
|
|||||||||||||||||||||||||||||||||||||||||
