|
High Noon
 High Noon (títol orichinal en anglés, Meyodía en aragonés), enguerada en Aragón con o títol en castellano de Solo ante el peligro, en aragonésSolo debant d'o periglo) ye una cinta de western de cine estausunidense de l'anyo 1952 dirichida por Fred Zinnemann seguntes un guión adaptau por Carl Foreman d'o relato breu The Tin Star, publicau en 1947 en Collier's por John W. Cunningham. Producida por Stanley Kramer ta la suya productora Stanley Kramer Productions, con una dirección de fotografía de Floyd Crosby y una Banda Sonora Orichinal de Dimitri Tiomkin, actúan en a cinta, entre d'atros, os actors Gary Cooper, Thomas Mitchell, Lloyd Bridges, Katy Jurado, Grace Kelly, Otto Kruger, Lon Chaney Jr. y Henry Morgan. Ye una cinta destacada en o chenero d'o western en crebar con una d'as caracteristicas esencials d'o chenero, en presentar a lo protagonista no como un hombre decidiu, so que como una persona que tien a coda preta debant d'una situación que li desborda y que se troba no con una comunidat de ciudadans garripos so que con uns ciudadans acobardaus; ixo queda refirmau en escaicer la historia en un lugarón perdiu y medio despoblau y con l'emplego d'o blanco y negro en a filmación, que cheneran una atmosfera anguniosa.[2] La critica considera que la cinta ye una alegoría d'a clamada caza de bruixas organizada por o Comité d'Actividaz Antiamericanas d'o Senau d'Estaus Unius impulsau por o senador Joseph McCarthy; amás lo guión d'a cinta ye obra de Carl Foreman, un d'os represaliaus (u blacklisted) por ixe Comité, y a qui clamoron a declarar mientres lo mesmo rodache d'a cinta y a qui lo productor Stanley Kramer no quiso aduyar guaire, encara que Kramer feba parte teoricament d'o sector mas progresista d'o cine estausunidense d'ixas envueltas.[3] ArgumentoWill Kane ye dende fa muitas anyadas lo marshal d'un lugarón clamau Hadleyville, en Nuevo Mexico y acaba de fer la suya voda con Amy Fowler, una choven de relichión cuaquera a qui no li cuaca pas guaire lo treballo d'o suyo esposo, que ha decidiu dixar d'estar marshal ta ubrir un negocio en a localidat. Buen luego plega en o lugar la noticia de que un delincuent clamau Frank Miller, a qui Will Kane heba engarcholau, plegará en a gara d'o lugar a meyodía. Miller heba churau en o suyo chudicio resquitar-se d'o marshal y de cualsiquier belatro que se li revifase mientres a suya venganza, y en a gara li son asperando tres d'os antigos miembros d'a suya banda. Bien luego los habitants d'o lugar y los suyos amigos li recomiendan a Kane que albandone lo lugar. Kane y la suya muller marchan d'o pueblo pero bien luego l'antigo marshal tien una crisi de conciencia y decide de tornar-ie, en considerar que lo suyo deber se troba por dencima de tot. Recupera la suya placa de marshal y preba de reunir a los ciudadans t'afrontar la luita con a banda, pero un por un los habitants d'o lugar y los suyos amigos deciden no partecipar-ie y mesmo lo suyo aduyant dimite. La suya muller decide albandonar-lo marchando sola en o tren y Kane nomás recibe lo refirme d'a suya antiga amant, Helen Ramírez. Kane se troba pues solo frent a toda la banda de bandius. Elenco[4]
RodacheLo rodache d'a cinta s'escaició en California en nomás que vintiueito días, en poder filmar as 400 escenas d'a cinta en haber preparau curosament la filmación.[5] PremiosSe veiga tamiénReferencias
Vinclos externos
|
.jpg)
.svg){kind=small}
