|
Gandalf
Gandalf ye un personache ficticio creyau por J.R.R. Tolkien pa las suyas novelas O Hobbit y O Sinyor d'os Aniellos y interpretau en as cintas de Peter Jackson per Ian McKellen.[1] Gandalf ye un mago, uno de l'orden Istari, y o lider y mentor d'a Comunidat d'o Aniello. Tolkien prenió o nombre Gandalf d'o Catalogo de nanos (u Dvergatal) d'o norrén antigo en o Völuspá. Como mago y portador d'un Aniello de poder, Gandalf tien un gran poder, pero treballa sobretot animando y persuadindo. Se presenta como Gandalf lo Griso, poseye un gran conoixencia y viacheya de contino, de cutio enfocau en a misión de contrarrestar a lo Sinyor Fosco Sauron. Ye asociau con o fuego, o suyo aniello ye Narya, l'Aniello de Fuego, y se deleita con os fuegos artificials pa entretener a los hobbits d'a Comarca y, con gran necesidat, fa servir o fuego como arma. Como un d'os maiar, ye un esprito immortal, pero en estar en un cuerpo fisico en a Tierra Meya puede morir en batalla, como lo fació con o Balrog de Moria. Alavez, estió ninviau de tornada a la Tierra Meya pa completar a suya misión, agora como Gandalf lo Blanco y lider d'os Istari. Tolkien describió una vegada a Gandalf como un anchel encarnau; mas tardi, tanto ell como atros eruditos han comparau a Gandalf con o dios nordico Odin en a suya apariencia de vagamundo.[2] Atros han descrito a Gandalf como una figura guía que aduya a lo protagonista, comparable a la sibila que aduyó a Eneas en A Eneida de Virchilio, u a lo propio Virchilio en l'Infierno de Dante; y como figura de Cristo, o profeta. Referencias
|
||||||||||||||||||||||||||||||
