|
Göran Persson
Hans Göran Persson ([ˈʝœːran ˈpæːʂɔn]) , naixito de Vingåker (Södermanland) o 20 de chinero de 1949, ye un politico sueco, que estió o primer ministro de Suecia dende o 22 de marzo de 1996 dica o 6 d'octubre de 2006. Ye militant d'o Partiu Socialdemocrata de Suecia, amás de miembro de l'Asociación Sueca de Cristianos Socialdemocratas, por as suyas conviccions relichiosas. Estió amás ministro d'Amostranza (1989-1991) y ministro de Finanzas (1994-1996). Carrera politica Naixito d'una familia de clase obrera, estudeó Ciencias Socials en a Universidat d'Örebro. Estió militant d'a chovenalla d'o Partiu Socialdemocrata de Suecia y consellero en Katrineholm, antis d'estar en 1979 deputato en o Riksdag (o Parlamento de Suecia). Entre 1989-1991 estió ministro d'Amostranza en o Gubierno d'o primer ministro Ingvar Carlsson; entre 1994-1996 estió ministro de Finanzas en atro Gubierno de Carlsson. Destacó por as suyas mesuras economicas, que permetioron a dentrada de Suecia en a Unión Europea. Esleito president d'o suyo partiu ta succeder a Mona Sahlin en 1996, completó o mandato gubernamental, ta obtener a victoria en as eleccions chenerals de 2002. Sindembargo, fue redotado en as eleccions de 2006 por os conservadors de Fredrik Reinfeldt. Albandonó o cargo de president d'o partiu, succedito por Mona Sahlin en o Congreso d'o suyo partiu en Estocolmo o 17-18 de marzo de 2007.
Vinclos externos
|
|||||||||||||||||||||||||||||||||||||||||||||||||||||||
