Falco eleonorae

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Falco eleonorae
Falcons d'Alionor en Sant Elm, Mallorca
Estau de conservación

Seguro (IUCN)
Rechistro fósil
 		Dende o Dende l'interglacial Günz-Mindel (Pleistoceno meyo)
Clasificación cientifica
Dominio:
 Eucariotas
Reino:
 Animalia
Filo:
 Chordata
Clase:
 Aves
Orden:
 Falconiformes
Familia:
 Falconidae
Chenero:
 Falco
Especie:
 F. eleonorae
Descripción
Falco eleonorae
Gene, 1839
Distribución cheografica
Distribución de Falco eleonorae
Falco eleonorae

Falco eleonorae(Gene, 1839) conoixiu comunment como falcón d'Alionor u falcón marín ye una especie de falcón distribuita por ciertas costas y islas d'a mar Mediterrania, Marruecos y Canarias que hiberna en Madagascar. Prene o suyo nombre en honor a Alionor d'Arborea, chueza d'Arborea que en zaguerías d'o sieglo XIV establió una lechislación de protección d'as aus rapinyaderas, a primera conoixida.

Habitat y distribución

Cría en cinglos d'a marguin d'a mar de muitas costas y islas d'a Mediterrania: en Turquía, Grecia, Dalmacia, Cerdenya, Sicilia, atras parz d'Italia, Túniz, Alcheria y Marruecos. Tamién se troba en a costa atlantica de Marruecos y en as Islas Canarias. Se troba en as Islas Columbretes y en as Islas Balears; en a isla de Sa Dragonera ye a colonia de cría mes gran d'esta especie d'a Mediterrania occidental. Hiberna en Madagascar y en a suya rota migratoria pasa por a mar Roya.

Rechistro fósil

Ya se troba fósil en chacimientos d'edat Günz-Mindel (biozona MNQ 21 adintro d'o Pleistoceno meyo en Francia y Italia; en o Pleistoceno superior se troba en chacimientos de Francia, Italia, Grecia, Península Iberica, Mallorca, Ibiza, Creta y Tylos. A solo chacimiento fósil d'os Pireneus a on se troba ye o de Izturitze,[1] (Pireneus Atlanticos) d'edat Würm IV.

Alimentación

S'alimenta d'insectos y de muixons chicoz que ensopinan en l'aire.

Reproducción

Ye tardano criando en relación a totas as aus rapinyaderas y la mes gran part d'as aus europeas, y la fa coincidir con o paso d'as chicotas aus migraderas en agüerro por as costas mediterranias.

Cría en colonias. A puesta la fan en faixas en os cinglos. Ponen 2-4 uegos, rosaus con tacas marrons.

Referencias

  1. ↑ Oscar Arribas: Fauna y paisaje en los Pirineos en la Era Glaciar. Lynx Ediciones. ISBN 978-84-87334-71-9

Vinclos externos