|
El turismo es un gran invento
El turismo es un gran invento (títol orichinal en castellano, en aragonés O turismo ye un gran invento, enguerada en Aragón con o suyo títol orichinal en castellano) ye una cinta espanyola de l'anyo 1968 de cine de comedia dirichida por Pedro Lazaga seguntes un guión de Pedro Masó y Vicente Coello y con banda sonora orichinal de Antón García Abril. Producida por Pedro Masó ta las productoras Pedro Masó Producciones Cinematográficas y Filmayer Producción, S.A., incluye en o suyo elenco a destacaus actors como Paco Martínez Soria, José Luis López Vázquez, Ingrid Spaey, Antonio Ozores, María Luisa Ponte, Rafael López Somoza, Margot Cottens, Pedro Porcel, Erasmo Pascual, Jesús Guzmán, Paco Camoiras u Valentín Tornos. A cinta fue rodada en Marbella y en Torrelaguna y en a Comunidat de Madrit. ArgumentoEn pleno desembolique economico en Espanya mientres os anyos 1960 mientres a dictadura franquista, Benito Requejo ye l'alcalde d'un chicot pueblo ficticio aragonés, Valdemorillo del Moncayo. Preocupau en veyer que los chóvens marchan d'o pueblo ta buscar treballo en as ciudaz u en emigrando enta Alemanya, discurre a la fin en devantar en o pueblo un gran centro turistico, asinas que decide marchar a investigar cómo han feito las cosas en a Costa d'o Sol, a on marcha en companyía de Basilio, o secretario municipal, con diners que ha invertiu lo mas cabalero d'o lugar, don Marcial. En plegar en a Costa d'o Sol, Benito y Basilio quedan fundament impresionaus, fendo-ne-ie conoixencia d'un famoso grupo musical alemán, las Bubby Girls, que ye de chira por Espanya. En tornar en Valdemorillo del Moncayo, don Marcial, lo cabalero d'o lugar que dica l'inte ha estau o solo en aportar-ne diners, decide acompanyar-los en o suyo nuevo viache enta Madrit ta presentar lo suyo prochecto a lo ministro encargau d'o turismo. Pero ista vegada lo viache no ye tan placentero como cuan marchoron enta la Costa d'o Sol... Elenco[2]
Se veiga tamiénReferenciasVinclos externos
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
