El alegre divorciado (títol orichinal en castellano, en aragonés L'esvurciau alegre, enguerada con en Aragón con o títol orichinal en castellano) ye una cinta hispano-mexicana de l'anyo 1976 de cine de comedia dirichida por Pedro Lazaga seguntes un guión de Vicente Coello, Mariano Ozores y Alfonso Paso (basau en Anacleto se divorcia, de Pedro Muñoz Seca y Pedro Pérez Fernández). Con una banda sonora orichinal d'Antón García Abril y una dirección de fotografía de Fernando Colín y Carlos Rodríguez, fue producdta por os productors Gonzalo Elvira y Jesús R. Folgar ta las productoras Estudios Roma, Producciones Orfeo y Filmayer S.A., y en o suyo elenco incluye a destacaus actors como Paco Martínez Soria, Florinda Chico, Norma Lazareno, José Ángel Espinosa u Fernando Luján.
Argumento
Ramón Pozuelo y Socorro Velilla son un matrimonio propietario d'un bar en Madrit. Ramón ye una mica astroso y su muller Socorro ye obsesiva d'a limpieza. A cinta prencipia cuan o matrimonio ha de marchar enta Mexico t'asistir-ie a la voda d'o suyo fillo que vive en ixe país y ha de casar con una mexicana. En plegar-ie, Ramón descubre que en Mexico existe l'esvurcio, que en ixas envueltas encara no yera legal en Espanya, y canso d'a obsesión por a limpieza de su muller, decide d'esvurciar-se'n, con l'aduya de lo suyo futuro concunyau, don Felipe, qui sindembargo decide de dar-le un escarmiento y fer-li creyer que s'ha esvurciau cuan en realidat nomás ha estau que una apariencia d'esvurcio que ha preparau con un amigo suyo.
Se veiga tamién
Referencias
Vinclos externos
