|
Doomsday (cinta de 2008)
Doomsday (títol orichinal en anglés, en aragonés O día d'o chudicio final, enguerada en Aragón con o títol en castellano de Doomsday, el día del juicio, en aragonés Doomsday, o día d'o chudicio) ye una cinta de cine de ciencia-ficción y d'acción de l'anyo 2008 coproducida entre lo cine britanico, lo cine estausunidense, lo cine alemán y lo cine sudafricano, dirichida por Neil Marshall seguntes o suyo propio guión orichinal, con una banda sonora orichinal de Tyler Bates, una dirección de fotografía de Sam McCurdy y una producción cinematografica de Benedict Carver y Steven Paul ta las productoras Rogue Pictures, Crystal Sky Pictures, Intrepid Pictures y Scion Films. Fan parte de l'elenco d'a cinta os actors Rhona Mitra, Bob Hoskins, Adrian Lester, David O'Hara y Malcolm McDowell. A cinta s'ambienta en l'anyo 2008 en Escocia y en 2035 en Londres y Escocia (mas que mas en Glasgow) y conta cómo en 2008 en Escocia amanixe un virus clamau segador que mata a la mayor parte d'a población y lo Reino Uniu decide devantar un muro ta protecher-se d'o virus, albandonando Escocia y a los pocos habitants que han sobreviviu. Una nina escocesa podió fuyir y en 2035 ye una miembro d'os servicios especials a qui lo primer ministro d'o Reino Uniu decide ninviar en Escocia en tornar a trobar-se o virus en o Reino Uniu y sospeitar que en Escocia bi ha supervivients que puet estar que sían immunes a lo virus. Doomsday se rodó en Stirling y Glasgow en Escocia, en Ciudat d'o Cabo (Provincia d'o Cabo Occidental, Sudafrica), y en a seu de Sant Pavlo y atras localizacions en Londres y en os Estudios Shepperton en Shepperton (Surrey, Reino Uniu). Elenco[2]
Se veiga tamiénReferencias
Vinclos externos
|
||||||||||||||||||||||||||||||||||||||||||||||||||||||||||||
.svg){kind=small}
