O districto de Brčko (pronunciau /br̩̂t͡ʃkɔː/; en bosnio Brčko distrikt; en cirilico Брчко дистрикт) ye una unidat territorial administrativament autonoma baixo a sobiranía de Bosnia y Herzegovina y oficialment fa parti d'as dos entidaz d'ella. Se corresponde a o territorio d'o municipio de Brčko. Dimpués d'o Tractau de Dayton, que remató a Guerra de Bosnia en 1995, s'alcordó que iste districto fuese administrau de forma independient por as fuerzas multinacionals de pacificación. O territorio ye important estratechicament ya que se troba entre as dos partis d'a Republica Serbia. Por ixo en 2000 s'alcordó que iste territorio fuese un condominio d'a Republica Serbia y a Federación de Bosnia y Herzegovina, pero en a practica poseye autonomía pendendo dreitament d'a Republica de Bosnia y Herzegovina.
Se veiga tamién
Vinclos externos
