|
Constancia (Rumanía)
Constancia (en rumano Constanţa) ye un municipio y una d'as principals ciudatz de Rumanía y capital d'a provincia de Constancia a mas d'a mayor ciudat d'a Provincia historica de Dobrucha. Ye considerada como la ciudat mes antiga de Rumanía, fundada enta l'anyo 600 aC como colonia griega. La suya población ye de 302.040 habitants (2009) en una superficie de 124.89 km², con una densidat de población de 2,418 hab/km². L'aria metropolitana de Constanţa ye segunda mes gran de Rumanía, nomás superata por la de Bucarest. En a baixa Edat Meya bi habió presencia de comerciants chenoveses d'as colonias de Gazera, quedando-ne como testimonio d'esta presencia o Faro Chenovés. ToponimiaLo primer nombre que tenió estió Tomis en griego antigo. En lo periodo romano fue rebaptizato como Constantiana, d'on provién l'actual toponimo rumano Constanţa. En diferents idiomas de la marina de la Mar Negra se troban exotoponimos referitos a esta ciudat a causa de la suya importancia. En griego actual ye Κωνστάντια u Konstantia, en bulgaro ye Кюстенджа u Kyustendzha, en turco ye Köstence. En castellano existe lo exotoponimo Constanza, de seguro que menos antigo que lo exotoponimo aragonés Constancia que trobamos en lo "Libro de los Emperadors" con enchaquia de la invasión rusa en Bulgaria y l'Imperio Bizantín en tiempos de Sviatoslav: apres aquesto el d(i)c(t)o ffendoclauo a feyto meter en presion todos los burguaros que tenia en su ayuda los quales eran .xx. mil dubdando se que no lo trayssen et fuessen con lenperador et entre tanto fue uenida la armada d(e)las gualeas de los griegos & en continent lenperador començo a conbatir el castiello et en aquesti medio uenieron enbaxadores de la ciudat de Constancia et de muytos otros castiellos et le demandaron perdon iusmetiendo se al inperio et a su ma(n)damiento, et los griegos estaron algun tiempo conbatiendo Dorastalo por que aquellos de dentro se defendian muy bien, mas por las spesas et continuas batallas de los grieguos fueron muertos muytos d(e)los del castiello
Vinclos externos |
||||||||||||||||||||||||||||
