|
Cantón de Tuzla
O cantón de Tuzla (en bosnio: Tuzlanski kanton) ye un d'os 10 cantons en que se divide a Federación de Bosnia y Herzegovina, en Bosnia y Herzegovina. Ye situau en o nord-este d'o país. O centro d'o gubierno d'o cantón ye a ciudat de Tuzla. O cantón tien una superficie de 2.649 km²[1] y teneba una población de 498.549 personas en 2009.[2] Organización administrativa
Cheografía y poblaciónL'aria d'o cantón ye de 2 649 km². En o censo de 1991, a zona yera poblada por 949.621 personas d'as que un 60% yeran bosnios, un 28% serbios, un 9% croatas, y a resta perteneixeban a grupos minoritarios como yugoslavos, chitans, eslovenos y ucraineses. En 2002, o cantón de Tuzla teneba una población estimada de 607.571 habitants, d'os que 546.814 yeran bosnios (un 90%). O segundo grupo etnico mas numeroso ye a minoría croata, que vive mas que mas en Tuzla, Živinice y Srebrenik. A minoría serbia vive predominantment en Tuzla y a población chitana se troba mas repartida. En a estimación d'o censo de 2009, o cantón teneba con una población de 498.549 habitants.[2] Historia y culturaIste cantón fue creyau por bosnio-croatas dimpués d'os Alcuerdos de Washington de 1994, y as suyas mugas definidas por os Alcuerdos de Dayton en 1995. A fortaleza medieval millor conservada de Bosnia, que data de 1333, se troba en iste cantón, en a localidat de Srebrenik. Se veiga tamiénReferencias
Vinclos externos
|
||||||||||||||||||||||||||||||||||||||
