Calcil

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo tracta sobre os calcils en arquitectura. Ta atros usos de «calcil» se veiga Calcil (desambigación).
Calcil en una columna romana.

O calcil (d'o latín <*CALCEU, «calcers») ye una enamplación en a base de cualques construccions y en a frontera de cualques edificios, aman d'o suelo, que sirve ta dar-les millor aposiento y dotar-las de millor estabilidat estructural.

De regular, se fa con materials mas duros que a resta d'a construcción, y especialment resistents contra esfuerzos de compresión: o granito y cualques tipos de piedra calsinera son os mas frecuents.

Os calcils se troban en monumentos feitos dende l'Antiguedat y se considera que, en as suyas oríchens, consistiban en paralelepipedos de piedra dura que serviban de base ta cualques construccions que concentraban un gran peso en poqueta superficie,[1] como estatuas u altars. Posteriorment, y en especial a partir d'os sieglos XVI y XVII, se fizo mas cheneral en belatras construccions, especialment en os grans edificios devantaus a las modas d'o Renaiximiento y o Barroco.[1]

Se veiga tamién

Referencias

  1. ↑ 1,0 1,1 (es) LEÓN TELLO, Fco. José y SANZ SANZ, María Virginia (1994). Estética y teoría de la arquitectura en los tratados españoles del siglo XVIII. Madrid.