|
Bromo
O bromo ye un elemento quimico de numero atomico 35 situau en o grupo d'os halochenos (grupo 17) d'a tabla periodica d'os elementos. O suyo simbolo ye Br. O bromo a temperatura ambient ye un liquido royo, volatil y denso. A suya reactividat ye intermeya entre o cloro y o yodo. En estato liquido ye perigloso ta o teixiu humán y as suyas vapors irritan os uellos y o garganchón. Caracteristicas prencipalsO bromo ye l'unico elemento no metalico que se troba en estau liquido a temperatura ambient. O liquido ye royo, móbil y denso y volátil; s'evapora facilment a temperaturas y presions estandard en una vapor roya (color parellana a la que presenta o dioxido de nitrocheno, NO2) y que presenta un fuerte y desagradable olor. Iste halocheno se pareixe quimicament a o cloro, pero ye menos reactivo (encara que mas que o yodo). O bromo no ye muit soluble en augua y se disuelve millor en disolvents no polars como o disulfuro de carbonio, CS2, u o tetracloruro de carbonio, CCl4. Reacciona facilment con muitos elementos y tien un fuerte efecto blanqueyant. O bromo ye altament reactivo y ye un fuerte achent oxidant en presencia d'augua. Reacciona vigorosament con aminas, alquenos y fenols, asinas como con hidrocarburos aromaticos y alifaticos, cetonas y acidos carboxilicos (istos son degradaus por addición u por substitución). Con muitos metals y atros elementos, o bromo anhidro ye menos reactivo que l'humido; manimenos, o bromo xuto reacciona vigorosament con l'aluminio, o mercurio, o titanio y con os metals alcalins y alcalinoterrios Referencias
Vinclos externos |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
