Botella

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Una botella

Una botella[1] (d'o francés bouteille y iste d'o latín butticŭla) ye un recipient ideyau pa contener liquidos y transportar-los, fabricau en materiales richidos, en o suyo orichen d'archila y dimpués de vidre u metal, y a partir d'o sieglo XX en diferentes tipos de plasticos.[2]

As primeras botellas de vidre fabricadas por sofladura datan d'o sieglo II y fuoron trobadas en China y Echipto. Yera un producto de luxo dica que a producción semiautomatica se desembolicó en l'anyo 1894 en Francia por Claude Boucher (1842-1913)[3] y en 1903 por Michael Joseph Owens (1859-1923) en os Estaus Unius.[4] Ista automatización contribuyió a popularizar a botella como embalache de muitos liquidos (vin, biera...) que antis nomás se vendeban en botellons.

A producción en masa de botellas de vidre y más que más de botellas de plastico d'un solo uso ha creyau un problema ecolochico con o tiempo y ha contribuyiu a un esperdicio no sostenible de recursos. A millor solución ye a reutilización[5] pero se mantiene o problema entre o intrés particular d'a industria a o intrés cheneral.[6]

Referencias

  1. ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
  2. ↑ Tamién i hai botellas metalicas que s'utilizan pa contener gases a presión pero o suyo uso ye más especifico y menos cheneralizau.
  3. ↑ (fr) Bouteille. Musée des Boissons et de la Sommellerie, Sainte-Gemmes-sur-Loire
  4. ↑ (en) Owens, Michael Joseph. The Cyclopaedia of American Biography. Pach. 123
  5. ↑ (ca) El vidre: reutilitzar és la millor opció. Ecoconsells. Universitat de Barcelona. Marzo de 2008
  6. ↑ (ca) La reutilització del vidre. Agència de Residus de Catalunya

Se veiga tamién