Bastes

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Una burreta con os bastes amontatos.

Os bastes (de regular ditos asinas, en plural) son un aparello de fustas que s'emplegaba ta carriar pesos en o lomo d'os equins domesticos, que s'amontaba en alto d'una estera u manta molsuda ta privar que l'animal tomase garra mal con a contumancia d'os fustes, estando que a ormino la manta u estera tamién recibiba lo nombre de «baste» per emplegar-se de conchunta con l'aparello.

Os bastes propiament ditos yeran un aparello simple, feito de dos piezas de fusta con forma de forcón en «U», chunyitas con cualques latas lonchitudinals que le daban estructura consistent a lo traste. A forma de l'aparello miraba d'achustar-se alto u baixo a la forma d'o lomo de l'animal.

Se veiga tamién