Arachnida

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Arachnida
Clasificación cientifica
Dominio:	Eukaryota
Reino:	Animalia
Filo:	Arthropoda

Os aracnidos (Arachnida, d'o griego -αράχνη -aráchne, "araina" y -ιδες -ides, "perteneixient a un grupo") son una clase de artropodos queliceratos d'a cual han estau descritas mas de 102.000 especies.[1] Incluye formas tan conoixitas como as arainas, as caparras, os acaros y os arraclans.[2]

Biolochía y ecolochía

Os arácnidos son oviparos (se reproducen por meyo de uegos) pero cualques especies naixen dreitament d'a mai (ovoviviparos). O comportamiento de cortecho ye a ormino muit elaborau, y en muitos casos s'observa cudiau parental, un feito raro difuera d'os vertebraus. Son mas abundants y variaus en climas calidos, pero son presents en toz os climas no polars, y entre as arainas y os Pseudoscorpionida se troban beluns d'os pocos animals capables de vivir en as cumbres mas altas d'a Tierra.

Orichen y diversidat

Existen mas de 102.000 especies de aracnidos, y son o segundo grupo mas numeroso d'o reino animal, dimpués d'os insectos, y cuasi duplica en especies a os vertebraus. Os actuals se clasifican en 11 órdens, d'os cuals os mas nutrius en especies son as arainas, os acaros y os opilions. Existen amás grupos que solament se conoixen como fósils. Una clasificación moderna contiene os siguients grupos (encara que a categoría taxonomica asignada aquí puet estar discutida):

• Orden Trigonotarbida † - Trigonotarbidos, extinctos; contiene no solament os aracnidos mas antigos (dende o Siluriano superior) sino os artropodos terrestres de mayor antigüidat.
• U. Amblypygi - Amblipichios u tendarapos, con o primer par de patas transformau en un par d'«ixordiacas» sensorials.
• U. Araneae - Arainas.
  • Mesothelae - Arainas muit raras y «primitivas», con abdomen segmentado y fileras a metat de l'abdomen.
  • Opisthothelae - Arainas con abdomen sin segmentar y as fileras en posición posterior.
    • Araneomorphae - As arainas corrients.
    • Mygalomorphae - As grans arainas tropicals, como as ditas tarantulas en Sudamerica.
• U. Phalangiotarbi † - Falanchiotarbidos, extinctos.
• U. Opiliones.
• U. Palpigradi - Palpigraus.
• U. Pseudoscorpionida.
• U. Ricinulei - Ricinuleidos.
• U. Schizomida - Esquizomidos.
• U. Scorpiones - Arraclans.
• U. Solifugae - Solifugos.
• U. Haptopoda † - Haptopodos, extintos.
• U. Uropygi .
• U. Acari - Acaros en sentiu amplo.
  • Acariformes.
    • Sarcoptiformes.
    • Trombidiformes.
  • Opilioacariformes.
  • Parasitiformes.

Referencias

1. Chapman, A. D., 2009. Numbers of Living Species in Australia and the World, 2nd edition. Australian Biodiversity Information Services ISBN (online) 9780642568618
2. Durrell, Gerald; Durrell, Lee (1992). La guía del naturalista. Ediciones AKAL. ISBN 9788487756191. Consultado el 17 de noviembre de 2017., Gerald La guía del naturalista, Ediciones AKAL. ISBN 9788487756191.

• Datos: Q1358
• Multimedia: Arachnida / Q1358
• Especies: Arachnida