André Sellier

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
André Sellier
Información personal
Calendata de naixencia 1 de chulio de 1920
Puesto de naixencia Amiens (Somme, Francia)
Calendata de muerte 1 de febrero de 2015
Edat 94
Puesto de muerte Salouël (Somme, Francia)
Ocupación Historiador
Diplomatico
Fillos Jean Sellier
Obras Atlas des peuples d'Europe centrale
Atlas des peuples d'Europe occidentale
Atlas des peuples d'Orient
Histoire du camp de Dora

André Sellier, naixiu d'Amiens (Somme, Francia) l'1 de chulio de 1920 y muerto en Salouël (Somme, Francia) l'1 de febrero de 2015, estió un historiador y diplomatico francés, conoixiu mas que mas por os suyos treballos sobre atlas historicos realizaus conchunament con su fillo, l'historiador Jean Sellier.

Militant d'a Section française de l'Internationale ouvrière y d'o Mouvement des Jeunes socialistes dende que teneba 16 anyadas, mientres a Segunda Guerra Mundial estió miembro d'a Resistencia francesa, concretament d'o rete Libération-Nord. Deteniu por as autoridaz d'o Tercer Reich o 2 d'agosto de 1943, estió deportau enta Alemanya en chinero de 1944, pasanso succesivament por os campos de concentración nazis de Buchenwald, Mittelbau-Dora y Ravensbrück, aconseguió esfugar-se en abril de 1945 cuan, por l'abance d'as tropas de l'Exercito Royo, lo trasladaban enta Parchim, trobando-se con as tropas sovieticas en Karow. En tornar en Francia dimpués d'a redota d'o nazismo, continó vinclau a lo suyo partiu, con a excepción de bel periodo en que treballó como diplomatico. Sindembargo, en os anyos 1980 colaboró en as campanyas de François Mitterrand. En pasar a la retreta en 1986 tornó a la suya labor como historiador, colaborando con su fillo Jean en a redacción de cuantos atlas historicos sobre los pueblos d'o mundo.