A Time for Killing (títol orichinal en anglés, en aragonés Un tiempo ta matar, enguerada en Aragón con o títol en castellano de La cabalgada de los malditos, en aragonés A cabalgada d'os malditos) ye una cinta de cine de western dramatico belico de cine estausunidense de l'anyo 1967 dirichida por Phil Karlson seguntes un guión adaptau por Halsted Welles (basau en The Southern Blade, de Nelson Wolford y Shirley Wolford), con una banda sonora orichinal de Mundell Lowe, una dirección de fotografía de Kenneth Peach, una producción cinematografica de Harry Joe Brown ta la productora cinematografica Sage Western Pictures Inc. y un elenco composau, entre d'atros, por os actors Glenn Ford, George Hamilton, Inger Stevens, Paul Petersen, Timothy Carey, Kenneth Tobey, Richard X. Slattery, Harrison Ford, Kay E. Kuter, Dick Miller, Emile Meyer, Marshall Reed, Max Baer Jr., Todd Armstrong y Harry Dean Stanton. Ye una d'as primeras interpretacions d'o choven Harrison Ford en o cine.[2]
En os zaguers días d'a Guerra Civil d'os Estaus Unius, cuan toz ya son asperando lo final d'a guerra, un grupo de soldaus d'os Estaus Confederaus d'America que se troban presoners de l'exercito estausunidense consiguen fuyir d'un campo de presoners dirichius por un capitán que nomás deseya que fer-li mal a un oficial estausunidense. De camín enta Mexico, los confederaus secuestran a una muller, que ye la prometida de l'oficial nordista, y a qui finalment viola lo capitán, que amás amaga a los suyos subordinaus que un militar nordista a qui han matau levaba un mensache comunicando que la guerra ya heba rematau. A cinta s'ambienta en Nuevo Mexico y en Mexico en 1865 y las suyas escenas se filmoron en Tucson y bellas atraz localidaz en os estaus d'Arizona y Utah en os Estaus Unius.[3]
Se veiga tamién
Referencias
Vinclos externos
