ৰাজেশ খান্না

ৰাজেশ খান্না
২০১৩ চনৰ ষ্টাম্প ত ৰাজেশ খান্না
জন্ম	যতীন খান্না ২৯ ডিচেম্বৰ, ১৯৪২ অমৃতসৰ, পাঞ্জাব, বৃটিছ ভাৰত (বৰ্তমানৰ পাঞ্জাব, ভাৰত
মৃত্যু	১৮ জুলাই, ২০১২ (৬৯ বছৰ) মোম্বাই, মহাৰাষ্ট্ৰ, ভাৰত
ৰাষ্ট্ৰীয়তা	ভাৰতীয়
শিক্ষানুষ্ঠান	কে চি কলেজ
পেচা	অভিনেতা চিত্ৰ পৰিচালক ৰাজনীতিবিদ
সক্ৰিয় হৈ থকা সময়	১৯৬৬ – ২০১২
ৰাজনৈতিক দল	ভাৰতীয় জাতীয় কংগ্ৰেছ
দাম্পত্যসঙ্গী	ডিম্পল কাপাডিয়া (বি. ১৯৭৩; sep. ১৯৮২)
সন্তান	Twinkle Khanna Rinke Khanna
আত্মীয়-স্বজন	অক্ষয় কুমাৰ (জোঁৱাই) চিম্পল কাপাডিয়া (sister-in-law)
বঁটা, সন্মান, পুৰস্কাৰ আদি	Full list
পাৰ্লিয়ামেণ্টৰ সদস্য, লোকসভা
কাৰ্যকাল 1992–1996
পূৰ্বসূৰী	এল কে আডৱানি
উত্তৰসূৰী	জগমোহন
সমষ্টি	নিউ দিল্লী
সংখ্যা গৰিষ্ঠতা	28,256
স্বাক্ষৰ

ৰাজেশ খান্না (ইংৰাজী: Rajesh Khanna)আছিল বলিউডৰ হিন্দী চলচ্চিত্ৰৰ এজন বিখ্যাত অভিনেতা,প্ৰযোজক আৰু পৰিচালক। তেওঁ কেইবাখনো হিন্দী চলচ্চিত্ৰ নিৰ্মাণ কৰিছিল আৰু ৰাজনীতিতো প্ৰৱেশ কৰিছিল।[1] তেওঁ ১৯৯১-৯৬ চনৰ পৰা পাঁচ বছৰৰ বাবে নতুন দিল্লী লোকসভা আসনৰ পৰা কংগ্ৰেছ দলৰ সাংসদ আছিল। পিছত তেওঁ ৰাজনীতিৰ পৰা অৱসৰ গ্ৰহণ কৰে। তেওঁ মুঠ ১৮০খন চলচ্চিত্ৰ আৰু ১৬৩খন ফিচাৰ ফিল্মত অভিনয় কৰিছিল, ১২৮খন চলচ্চিত্ৰত মুখ্য চৰিত্ৰত অভিনয় কৰিছিল, ২২ খনত দুবাৰ চৰিত্ৰৰ উপৰিও, তেওঁ ১৭খন চুটি ছবিতো কাম কৰিছিল।[2]ৰাজেশ খান্নাক ভাৰতীয় চলচ্চিত্ৰ ইতিহাসৰ অন্যতম শ্ৰেষ্ঠ আৰু সফল অভিনেতা হিচাপে বিবেচিত কৰা হয়, লগতে তেওঁ ভাৰতীয় চলচ্চিত্ৰৰ প্ৰথম চুপাৰষ্টাৰ হিচাপেও পৰিচিত। [3][4]তেওঁ চলচ্চিত্ৰত শ্ৰেষ্ঠতা প্ৰদৰ্শনৰ বাবে তিনিবাৰ ফিল্মফেয়াৰ বঁটা লাভ কৰিছিল আৰু ১৪ বাৰ মনোনীত হৈছিল। তেওঁ বেংগল ফিল্ম জাৰ্নালিষ্ট এছ'চিয়েশ্যনৰ দ্বাৰা সৰ্বাধিক চাৰিবাৰ হিন্দী চলচ্চিত্ৰৰ বাবে শ্ৰেষ্ঠ অভিনেতা বঁটাৰ বাবে মনোনীত হৈছিল আৰু ২৫ বাৰ মনোনীত হৈছিল।[5] ২০০৫ চনত, তেওঁক ফিল্মফেয়াৰৰ লাইফটাইম এচিভমেণ্ট বঁটা প্ৰদান কৰা হয়। ১৯৬৬ চনত তেওঁ 'আখৰী খাট' চলচ্চিত্ৰৰ জৰিয়তে অভিনয় জীৱনৰ পাতনি মেলে।

প্ৰাৰম্ভিক জীৱন

পাঞ্জাৱ পাকিস্তানৰ বুৰেৱালাত থকা খান্নাৰ পৈতৃক বাসস্থান

ৰাজেশ খান্নাৰ জন্ম হৈছিল ১৯৪২ চনৰ ২৯ ডিচেম্বৰত পাঞ্জাবৰ অমৃতসৰত পাঞ্জাবী হিন্দু খাত্ৰী পৰিয়াল এটাত। ৰাজেশ খান্নাৰ জন্মগত নাম আছিল যতীন খান্না।[6]যতীনৰ পিতৃ-মাতৃ ভাৰত বিভাজনৰ পিছত পাকিস্তানৰ অন্তৰ্গত পশ্চিম পঞ্জাৱৰ পৰা অমৃতসৰৰ গালি তিৱাৰীনলৈ প্ৰব্ৰজন কৰিছিল আৰু অমৃতসৰত বসতি স্থাপন কৰিছিল। যতীনৰ প্ৰকৃত পিতৃ-মাতৃৰ আত্মীয় চুন্নীলাল খান্না আৰু লীলাৱতী খান্নাই তেওঁক তুলি লৈ ডাঙৰ-দীঘল আৰু শিক্ষিত কৰি তুলিছিল। প্ৰকৃত জৈৱিক পিতৃ-মাতৃৰ আছিল লালা হিৰাানন্দ খান্না আৰু চন্দ্ৰনী খান্না। তেওঁৰ তুলনীয়া পিতৃ মাতৃ ৰেল ঠিকাদাৰৰ এটা পৰিয়ালৰ আছিল আৰু ১৯৩৫ চনত লাহোৰৰ পৰা বোম্বাইলৈ স্থানান্তৰিত হৈছিল।[7]ৰাজেশ খান্নাই মুম্বাইৰ গিৰগাঁৱৰ ওচৰৰ ঠাকুৰ-দ্বাৰত সৰস্বতী নিৱাসত বাস কৰিছিল।[8]ৰাজেশ খান্নাই তেওঁৰ বন্ধু ৰবি কাপুৰৰ সৈতে ছেইণ্ট চেবাষ্টিয়ানৰ গোৱান হাই স্কুলত পঢ়িছিল,এই ৰবি কাপুৰে পিছত মঞ্চনাম জীতেন্দ্ৰ হিচাপে পৰিচিত আছিল।[9]তেওঁ লাহে লাহে থিয়েটাৰৰ প্ৰতি আগ্ৰহশীল হৈ পৰে, বিদ্যালয় আৰু মহাবিদ্যালয়ত পঢ়ি থকাৰ সময়ছোৱাত বহুতো মঞ্চ আৰু থিয়েটাৰ নাটক কৰে, আৰু আন্তঃমহাবিদ্যালয় নাটক প্ৰতিযোগিতাত বহুতো পুৰস্কাৰ লাভ কৰে।[10]১৯৬২ চনত খান্নাই 'অন্ধ া যুগ' নাটকত এজন আহত মূক সৈনিকৰ চৰিত্ৰত অভিনয় কৰে আৰু সেই অনুষ্ঠানত উপস্থিত থকা মুখ্য অতিথিজনে ৰাজেশ খান্নাৰ অভিনয়ত প্ৰভাৱিত হৈ কৈছিল যে মুখ্য যে তেওঁ সোনকালেই চলচ্চিত্ৰত প্ৰৱেশ কৰিব।[11] খান্না এজন বিৰল নৱাগত হৈ পৰিছিল কিয়নো তেওঁৰ নিজা এমজি স্পৰ্টছ কাৰ আছিল, যি এসময়ত ১৯৬০ ৰ দশকৰ আৰম্ভণিতে থিয়েটাৰ আৰু চলচ্চিত্ৰত কাম কৰিবলৈ সংগ্ৰাম কৰিছিল।[12]খান্নাই ১৯৫৯ চনৰ পৰা ১৯৬১ চনলৈকে পুনেৰ নওৰোজী ৱাদিয়া মহাবিদ্যালয়ত কলাশাখাত শ্ৰেণীত স্নাতকৰ প্ৰথম দুবছৰ পঢ়া-শুনা কৰিছিল।[13]পিছত তেওঁ মুম্বাইৰ কিশিনচান্দ চেল্লাৰাম মহাবিদ্যালয়ত অধ্যয়ন কৰে আৰু বন্ধু জীতেন্দ্ৰই সিদ্ধাৰ্থ জৈন মহাবিদ্যালয়ত অধ্যয়ন কৰে। যেতিয়া তেওঁ চলচ্চিত্ৰত প্ৰৱেশ কৰাৰ সিদ্ধান্ত লৈছিল তেতিয়া খান্নাৰ খুৰাক কে কে তলৱাৰে খান্নাৰ প্ৰথম নাম ৰাজেশলৈ সলনি কৰিছিল[14]

কৰ্মজীৱন

১৯৬৫ চনত ইউনাইটেড প্ৰডিউচাৰ আৰু ফিল্মফেয়াৰে আয়োজন কৰিছিল অল ইণ্ডিয়া টেলেণ্ট প্ৰতিযোগিতা। ১০,০০০ তকৈও অধিক প্ৰতিযোগীৰ পৰা আঠজন ফাইনেলিষ্টৰ ভিতৰত এজন আছিল ৰাজেশ খান্না।[15] [16]

চিত্ৰ:Rajesh Khanna's Signed Photo.jpg

ৰাজেশ খান্নাৰ স্বাক্ষৰ সম্বলিত ফটোগ্ৰাফ

তেওঁ ১৯৬৯-৭২ চনত একেৰাহে ১৫খন একক চুপাৰহিট চলচ্চিত্ৰত অভিনয় কৰিছিল। সেই চলচ্চিত্ৰবোৰ আছিল আৰাধনা, ইত্তেফাক, দো ৰাস্তে, বন্ধন, দোলি, চফাৰ, খামোচী, কাটি পাটাং, আন মিলো চাজনা, ট্ৰেইন, আনন্দ, সচ্চা ঝুথা, দুশমন, মেহবুব কি মেহনি, হাথি মেৰে চাথী আদি। পিছৰ দিনবোৰত, ১৯৭২-১৯৭৫ চনলৈ, অমৰ প্ৰেম, দিল দৌলত দুনিয়া, জোৰু কা গুলাম, শ্বেহজাদা, বাৱাৰ্চি, মেৰে জীৱন সাথী, আপনা দেশ, অনুৰাগ, দাগ, নমক হাৰাম, অবিষ্কাৰ, অজ্ঞাবী, প্ৰেম নগৰ, ৰোটি, আপ কি কাচাম আৰু প্ৰেমানী আদি চলচ্চিত্ৰও সফল হৈছিল। কিন্তু ১৯৭৬-৭৮ তেওঁৰ বাবে এটা বেয়া সময় আছিল কিয়নো ৭খন সমালোচকৰ দ্বাৰা প্ৰশংসিত চলচ্চিত্ৰ – মেহবুবা, টাইগ, পালকন কি ছয়ন মে, নৌকৰী, জনতা হাবিলদাৰ, চক্ৰব্যূহ, বুন্দালবাজ বিফল হৈছিল। ১৯৭৯-১৯৯১ চনৰ ভিতৰত তেওঁৰ সফল চলচ্চিত্ৰ কিছুমানৰ নাম হ'ল- অমৰ দীপ, প্ৰেম বন্ধন, থোডা চি বেৱাফাই, অঞ্চল, ফিৰ ৱাহি ৰাত, বান্দিশ, কুদ্ৰাট, দৰ্দ, ধনৱান, অশান্তি, পাপা-পাচাচ, পশু, ধৰ্ম কান্তা, সুৰাগ, ৰাজপুত, দিল-ই-নাদান, জানৱাৰ, নিশান, সৌতন, আগৰ তুম না হোতে, অৱতাৰ, নয়া কদম, উদ্দেশ্য, ধৰ্ম ঔৰ কানুন, পাপা চাও, পাপী চাও, জ্যোতি কালা মাষ্টাৰ, বেৱাফাই, বাবু, হাম দোনো, জামানা, শত্ৰু, কৰ্তৃপক্ষ, উপদেশ, অঙ্গাৰ, অমৃত, আৱাম, নাজৰানা, পাপকি সমাপ্তি, ঘৰ কি চিৰাগ, স্বৰ্গ আদি। ১৯৯১ চনৰ পিছত, ৰাজেশ খান্নাৰ যুগৰ সমাপ্তি আৰম্ভ হয়। পিছত তেওঁ ৰাজনীতিত যোগদান কৰে আৰু ১৯৯১ চনত তেওঁ নতুন দিল্লীৰ পৰা কংগ্ৰেছ দলৰ এগৰাকী সাংসদ হিচাপে সদস্য নিৰ্বাচিত হয়। ১৯৯৪ চনত তেওঁ আকৌ এবাৰ 'খুদা 'চলচ্চিত্ৰৰ সৈতে পৰ্দালৈ উভতি যাবলৈ চেষ্টা কৰে। ১৯৯৬ চনত তেওঁ সফল ছবি সউতেলা ভাই কৰে। তেওঁ আ আব লৌত চলেন, ক্যা দিল নে কাহা, প্যাৰ জিন্দেগী হে, ৱাফা আদি চলচ্চিত্ৰত অভিনয় কৰিছিল কিন্তু এই চলচ্চিত্ৰসমূহে কোনো বিশেষ সফলতা লাভ কৰা নাছিল। মুঠতে, তেওঁ ১৯৬৬-২০১৩ চনলৈকে মুখ্য নায়ক হিচাপে ১১৭খন মুক্তি প্ৰাপ্ত চলচ্চিত্ৰত অভিনয় কৰিছিল আৰু ১১৭ খনৰ ভিতৰত ৯১খন হিট ছবিত অভিনয় কৰিছিল। মুঠতে, তেওঁ ১৯৬৬-২০১৩ চনলৈকে ১৬৩খন চলচ্চিত্ৰত অভিনয় কৰিছিল আৰু ১০৫খন হিট হৈছিল। খান্না আন্তৰ্জাতিক চলচ্চিত্ৰ আৰু দূৰদৰ্শন গৱেষণা কেন্দ্ৰ, আন্তৰ্জাতিক চলচ্চিত্ৰ আৰু দূৰদৰ্শন ক্লাব আৰু এছিয়ান একাডেমী অফ ফিল্ম এণ্ড টেলিভিছনৰ আজীৱন সদস্য আছিল।[17]

ব্যক্তিগত জীৱন

১৯৭৩ চনৰ মাৰ্চ মাহত ডিম্পল কাপাডিয়াৰ সৈতে ৰাজেশ খান্না বিবাহপাশত আৱদ্ধ হয়। তেওঁলোকৰ ডাঙৰ জীয়ৰী টুইঙ্কল খান্না এগৰাকী ভাল অভিনেত্ৰী আৰু টুইঙ্কল অভিনেতা অক্ষয় কুমাৰৰ সৈতে বিবাহপাশত আৱদ্ধ হয়। তেওঁলোকৰ দ্বিতীয়গৰাকী কন্যা সন্তানো আছে। ৰিঙ্কী খান্না টুইঙ্কলতকৈ সৰু। [18]

মৃত্যু

২০১২ চনৰ ১৮ জুলাইত, ৰাজেশ খান্নাৰ মুম্বাইৰ নিজৰ আশিৰৱাদ বাংলোত মৃত্যু হয়। মৃত্যুৰ আগলৈকে তেওঁ কেইবা বছৰ ধৰি কৰ্কট ৰোগৰ সৈতে যুঁজি আছিল।

বাহ্যিক সংযোগ

• https://www.imdb.com/name/nm0004435/
• https://www.jansatta.com/entertainment/rajesh-khanna-birthday-life-story-and-career-interesting-facts/3139069/
• https://www.amarujala.com/amp/photo-gallery/entertainment/bollywood/rajesh-khanna-birthday-know-about-kaka-life-story-career-movies-and-stardom

তথ্যৰ উৎস

1. https://www.patrika.com/news/rajesh-khanna-was-the-first-super-star-of-india/1018393
2. https://web.archive.org/web/20130719054006/http://www.movietalkies.com/news/11568/bollywood%27s-kaka-turns-a-year-older
3. https://web.archive.org/web/20120722073412/http://pmindia.gov.in/press-details.php?nodeid=1466
4. https://tribune.com.pk/article/12872/why-rajesh-khanna-was-bollywood%E2%80%99s-first-superstar
5. https://web.archive.org/web/20121014022242/http://www.topnews.in/lifetime-achievement-award-honour-rajesh-khanna-iifa-2009-2173193
6. https://web.archive.org/web/20120721043823/http://www.dnaindia.com/india/report_relatives-remember-rajesh-khanna-in-his-birthplace-amritsar_1716655
7. "আৰ্কাইভ কপি". Archived from the original on 2016-01-11. https://web.archive.org/web/20160111063840/http://www.mumbaimirror.com/columns/columns/A-star-fell-from-heaven/articleshow/44873269.cms। আহৰণ কৰা হৈছে: 2024-10-18. 
8. https://www.indianexpress.com/news/school-remembers-superstar-alumnus/976432/
9. "আৰ্কাইভ কপি". Archived from the original on 2019-05-14. https://web.archive.org/web/20190514091516/http://chatinterviews.indiatimes.com/articleshow/1258826.cms। আহৰণ কৰা হৈছে: 2024-10-18. 
10. "আৰ্কাইভ কপি". Archived from the original on 2014-11-01. https://web.archive.org/web/20141101190358/http://ibnlive.in.com/photogallery/3005-1.html?from=movies। আহৰণ কৰা হৈছে: 2024-10-18. 
11. https://en.wikipedia.org/wiki/Special:BookSources/9788189107017
12. https://en.wikipedia.org/wiki/Special:BookSources/9788175080072
13. "আৰ্কাইভ কপি". Archived from the original on 2012-08-25. https://web.archive.org/web/20120825182337/http://movies.ndtv.com/movie_story.aspx?Section=Movies&ID=ENTEN20120210013&subcatg=MOVIESINDIA&keyword=bollywood&nid=245920। আহৰণ কৰা হৈছে: 2024-10-18. 
14. https://web.archive.org/web/20150721000426/http://www.hindustantimes.com/chandigarh/eight-unknown-facts-about-rajesh-khanna/article1-1370589.aspx
15. https://muktaarts.com/Media/Guftagoo%20with%20Subhash%20Ghai.php
16. https://web.archive.org/web/20100906115754/http://www.filmfare.com/articles/terrific-25-15-770.html
17. https://web.archive.org/web/20120121013309/http://movies.ndtv.com/PhotoDetail.aspx?Page=32&ID=6523#talk
18. https://web.archive.org/web/20120720191104/http://www.hindustantimes.com/Entertainment/Tabloid/With-string-of-hits-Rajesh-Khanna-leaves-memories-behind/Article1-891123.aspx