an Santiago L%C3%B3pez Valdivielso

Santiago López Valdivielso
Santiago López Valdivielso, en una imachen de 2022.
Deputau d'a I Lechislatura d'as Corz de Castiella y Leyón por Valladolit
1983 – 1986
Deputau en as Corz Chenerals por Valladolit
15 de chulio de 1986 – 2 de setiembre de 1989
Deputau en as Corz Chenerals por Valladolit
21 de noviembre de 1989 – 13 d'abril de 1963
Deputau en as Corz Chenerals por Valladolit
29 de chunio de 1993 – 9 de chinero de 1996
Deputau en as Corz Chenerals por Valladolit
27 de marzo de 1996 – 1996
Director cheneral d'a Guardia Civil
7 de mayo de 1996 – 30 d'abril de 2004
Monarca	Felipe VI
Gubierno	Primer Gubierno Aznar
Precediu por	Ferrán Cardenal de Alemany
Succediu por	Carlos Gómez Arruche
Senador en as Corz Chenerals por Valladolit
13 d'aviento de 2011 – 27 d'octubre de 2015

Naiximiento	7 de febrero de 1950 Valladolit (Valladolit, Castiella y Leyón, Espanya)
Muerte	9 de chinero de 2024 Madrit (Comunidat de Madrit, Espanya)
Partiu	Alianza Popular Partido Popular
Profesión	Politico, empresario y avogau
Alma Máter	Universidat de Valladolit

Primeras anyadas

Ye naixiu de Valladolit en Castiella y Leyón, fillo de Santiago López González, formando-se en a suya ciudat natal, a on estudió en a Universidat de Valladolit licenciando-se-ie en Dreito, amás de diplomar-se en Administración d'Empresas, Mercatotecnia y Publicidat y en Altos Estudios Superiors d'a Defensa.

En as primeras eleccions a Corz de Castiella y Leyón escaicidas en l'anyo 1983 estió esleyiu deputau por a provincia de Valladolit en as listas d'Alianza Popular, fendo asinas parte d'a I Lechislatura d'as Corz de Castiella y Leyón, pero en 1986 se presentó en as eleccions chenerals como candidato (tamién por Alianza Popular y por a circumscripción electoral provincial de Valladolit) a lo Congreso d'os Deputaus, resultando esleyiu ta la III Lechislatura d'o Congreso d'os Deputaus. Repitió como deputau en a IV Lechislatura (chenerals de 1989), V Lechislatura (chenerals de 1993) y VI Lechislatura (chenerals de 1996), pero dimitió d'o cargo de deputau en estar nombrau Director cheneral d'a Guardia Civil en o Primer Gubierno Aznar, cargo a on i remanió dica las chenerals de 2004, cuan o Partido Popular (nombre asumiu por l'antiga Alianza Popular con a suya refundación en l'anyo 1987) perdió las eleccions.

En as chenerals de 2011 fue esleyiu senador en o Senau d'Espanya nuevament en as listas d'o Partido Popular por Valladolit, estando asinas senador mientres a X Lechislatura.