Pezón

Este articlo tracta sobre o pezón, part d'o cuerpo d'os mamiferos. Pa atros d'a parola pezón, vaiga a pezón (desambigación).
Pezón humán feminín.

O pezón[1][2][3] ye a protuberancia chica d'a teta que ocupa una posición d'alto u baixo central y que contién entre quince y vint canyos lactios disposaus arredol. Ye rodiau d'un aria de piel sensible con una pigmentación mes escura dita ariola. A suya mida ye de bels 10 milimetros de diametro y de largaria. A fin fisiolochica suya en as fembras ye a d'ofrir a lo lactant a leit que producen as glandulas mamarias mientres l'embarazo y o periodo de lactancia d'o nino. En os masclos os pezons no tienen garra función.

En as fembras que tienen glandulas mamarias disposadas en forma de braguers bi ha pezons por a on tetan as crías. Esta clase de pezons reciben a denominación de popas en aragonés benasqués.[4]

Referencias

  1. ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
  2. ↑ (an) Chusé Lera Alsina: Aplego. Diccionario de Resistencia y Gramática sobre lo cheso. Massanas gràfiques. 2004.
  3. ↑ (ca) Vicent Bosch: Vocabulari de Fonz. Archivo de Filología Aragonesa, ISSN 0210-5624, Vol. 48-49, 1992-1993, pachinas. 309-32.
  4. ↑ (es) Ángel Ballarín Cornel: Diccionario del Benasqués, Zaragoza, 2nda ed (1978), p 396.