|
Mahoma
Muhammad (en arabe , Muḥammad), latinizau como Mahoma y naixiu d'a Meca, o 26 d'abril de 570 y muerto en Medina o 8 de chunio de 632) ye o zaguer profeta de Dios en l'islam. Biografía Mahoma naixió d'a Meca en l'anyo 570 con o nombre completo de Abū l-Qāsim Muḥammad ibn ‘Abd Allāh ibn ‘Abd al-Muṭṭalib ibn Hāšim al-Qurayšī (ابو القاسم محمد ابن عبد الله ابن عبد المطلب ابن هاشم القريشي en alfabeto arabe). O suyo pai, Abd Allah, morió antis de que él naixese y lo mocet fue criau por o suyo lolo paterno, Abd al-Muttalib, miembro d'a tribu Quraysh. Se diz que poco dimpués d'o suyo naiximiento fue posau a lo cudiau d'una muller beduina, Halima, (se consideraba que a vida en o disierto yera mas sana y segura ta los ninos). A los seis anyos d'edat, Mahoma perdió a la suya mai y a los ueito anyos, a lo suyo lolo, quedando asinas baixo la tutela de su tío Abu Talib, un líder d'a tribu Quraysh, a mas poderosa d'a Meca. En ixa epoca la ciudat d'a Meca yera un centro comercial prospero, prencipalment porque en a ciudat existiban bels templos que conteneban diferens idolos, lo cual atrayeba un gran numero de pelegrins. Mercaders de diferents tribus vesitaban a Meca en a epoca d'o pelegrinache, epoca en a que las guerras tribals yeran prohibidas y podeban contar con un viache seguro. En a suya adolescencia, Mahoma acompanyó a su tío en os suyos viaches enta Siria y enta bels atros puestos. Por tanto, pronto se convertió en una persona con una ampla experiencia en os costumbres d'atras rechions. Dimpués, Mahoma se fació mercader y una d'as suyas clients yera Khadicha, una rica vidua de 40 anyos. Mahoma, qui alavez teneba 25 anyos, la heba impresionau y ista li proposó matrimonio en l'anyo 595. A tradición arabe deciba que os fillos menors no recibiban herencio, y por ixo él no en recibió. Khadicha tenió seis fillos con Mahoma, dos varons y cuatro mullers. Toz naixioron enantes que Mahoma recibise la suya primera revelación. Veyer tamiénVinclos externos
|
|||||||||||||||||||||||||||||||||||||||||||||
