|
Mário Zagallo
Mário Jorge Lobo Zagallo, conoixiu esportivament como Zagallo u Mário Zagallo, naixiu d'Atalaia (Alagoas, Brasil) o 9 d'agosto de 1931 y muerto en Rio de Janeiro (Estau de Rio de Janeiro, Brasil) o 5 de chinero de 2024,[1] estió un destacau futbolista y entrenador de fútbol brasileiro activo en o mundo d'o fútbol dende finals d'os anyos 1940 dica meyaus d'os anyos 1960 como chugador y dende ixa calendata dica primerías d'os anyos 2000 como entrenador. Como chugador, estió chugador succesivament de tres equipos brasileiros, America Football Club, Clube de Regatas do Flamengo y Botafogo de Futebol e Regatas, ganando cuantas vegas lo Campeonato Carioca, entre d'atros títols d'o fútbol brasileiro. Como chugador d'a selección masculina de fútbol de Brasil, ganó dos vegadas a Copa Mundial de Fútbol, en Suecia 1956 y Chile 1962. Como entrenador, n'estió de cuantos equipos brasileiros pero tamién de bellas seleccions nacionals masculinas (Brasil, Kuwait, Arabia Saudita y Emiratos Arabes Unius), con os que ganó cuantas competicions nacionals y internacionals, incluyindo-ie una medalla de bronce en os Chuegos Olimpicos d'Atlanta 1996 con a selección masculina de fútbol sub-23 de Brasil. Mário Zagallo estió lo primer futbolista en ganar a Copa Mundial de Fúbol como chugador y como entrenador, fita que dica l'inte no han lograu posteriroment que Franz Beckenbauer y Didier Deschamps, y ye un d'os pocos entrenadors que han dirichiu un equipo en dos finals d'ixa competición, fita compartida con Franz Beckenbauer, Carlos Salvador Bilardo y Didier Deschamps. Tamién ye un d'os cuatre unicos entrenadors, chunto con Helmut Schön, Vicente del Bosque y Lionel Scaloni, que han ganau un campionato continental de seleccions y la Copa Mundial. Finalment, ye dica l'inte lo solo futbolista que ha ganau cuatre Copas Mundials (dos como chugador, una como entrenador y una cuatrena como aduyant tecnico). Referencias
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||
.png){kind=small}
.png){kind=small}
