Johnny Weissmuller (nombre artistico de Johann Peter Weißmüller), naixiu de Freidorf (Banato, Imperio Austrohongaro, hue un districto de Timişoara, Rumanía) o 2 de chunio de 1904 y muerto en Acapulco de Juárez (Estau de Guerrero, Mexico) o 20 de chinero de 1984, estió un esportista y actor estausunidense. Naixiu de l'Imperio Austrohongaro, perteneixeba a la minoría d'os suabios d'o Banato.
En a suya faceta esportiva, participó como nadador y chugador de waterpolo en os Chuegos Olimpicos de París de 1924 ganando tres medallas d'oro en natación y una de bronce en waterpolo;[1] y tamién en os Chuegos Olimpicos d'Amsterdam de 1928 ganando tamién dos medallas d'oro en natación.
En a suya faceta cinematografica, ye conoixiu por as suyas interpretacions de Tarzan en as cintas basadas en a obra d'Edgar Rice Burroughs, destacando as cintas Tarzan the Ape Man (1932, W. S. Van Dyke), a primera d'a serie; Tarzan's Secret Treasure (1941, Richard Thorpe); u Tarzan and the Mermaids (1948, Robert Florey), a zaguera d'a serie. Con a cinta Jungle Jim (1948, William Berke) prencipió una serie de cintas sobre iste personache de cómic creau por Don Moore y Alex Raymond, encara que con ista serie de cintas no tenió l'exito que s'asperaba.
Filmografía
Como Tarzán
Bibliografía
- (en) Weissmuller Jr., Johnny. Tarzan My Father, Toronto: ECW Press 2002.
- (es) Pedrero Santos, Juan Andrés. Johnny Weissmüller Biografía, Espanya: T&B Editores 2010.
- (en) Weissmuller, Johnny; Bush, Clarence A. (1930). Swimming the American Crawl. Londres: G. P. Putnam's Sons. .
Vinclos externos
Referencias
.svg){kind=small}
