E-book

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una muller leye un libro dichital emplegando un e-reader.

Un libro dichital, tamién conoixiu como que e-book (de l'anglés electronic book), ye una publicación de libro disponible en formato dichital, que consta de texto, imáchens u toz dos, y que ye leyible en ordinadors u atros dispositivos electronicos. Existen cualques dispositivos clamaus e-readers (u lectors u leyedors de libros dichitals) que son exclusivament disenyaus pa leyer iste tipo de libros.

Os formatos mas emplegaus

I hai una gran variedat de formatos de libros dichitals pero uns pocos son os mas amplament emplegaus:

• PDF

O formato de documento portatil (de l'anglés Portable Document Format), de l'interpresa Adobe, s'usa para cualsiquier documento dichital y tamién en os libros dichitals.

• ePUB

Basau en o estandar libre promoviu por o International Dichital Publishing Forum (IDPF) y actualizau a partir de l'antigo formato Open eBook (.opf), ha estau adoptau por interpresas como que Google u Apple, encara que ye incompatible con Kindle.

• MOBI

Estió creyau inicialment para o lector Mobipocket Reader (.mobi) y estió adquiriu por Amazon como que base para desembolicar o formato AZW d'os lectors Kindle.

• txt

O formato mas sencillo de texto plano que no admite estilos de texto ni imáchens.

• HTML

O conoixiu luengache de marcau para a construcción de pachinas web sirve tamién para a visualización de libros dichitals.

Se veiga tamién

• Amazon Kindle

• Datos: Q128093
• Multimedia: Electronic books / Q128093